jo tasavvur se maavaraa na huaa — Iqbal Sohail

na rahaa koi taar daaman mein
ab nahin haajat-e-rafu mujh ko

husn-e-fitrat ki aabru mujh se
aab o gil mein hai rang-o-bu mujh se

khaakistar-e-dil mein to na thaa ek sharar bhi
bekaar use barbaad kiyaa mauj-e-sabaa ne

vo shabnam kaa sukun ho yaa ki parvaane ki betaabi
agar uDne ki dhun hogi to honge baal-o-par paidaa

aashob-e-iztiraab mein khaTkaa jo hai to ye
gham teraa mil na jaae gham-e-rozgaar mein

kuchh aisaa hai fareb-e-nargis-e-mastaana barson se
ki sab bhule hue hain kaaba o but-khaana barson se

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa