'ishq' raushan thaa vahaan dida-e-aahu se charaagh — Ishq Aurangabadi

us ki aankhon ke agar vasf raqam kijiyegaa
shaakh-e-nargis ko qalam kar ke qalam kijiyegaa

gar shaikh ne aah ki to mat bhuul
dil mein patthar ke bhi sharar hai

aaina kabhi qaabil-e-didaar na hove
gar khaak ke saath us ko sarokaar na hove

tu ne kyaa dekhaa nahin gul kaa pareshaan ahvaal
ghuncha kyuun ainThaa huaa rahtaa hai zardaar ki tarah

ye but hirs-o-havaa ke dil ke jab kaaba mein toDungaa
tumhaari subha mein kab shaikh-ji zunnaar chhoDungaa

ho gul bulbul tabhi bulbul pe bulbul phuul kar gul ho
tire gar gul-badan bar mein qabaa-e-chashm-e-bulbul ho

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

garm mausam mein garm chaae bhi
bad-mizaajon kaa pyaar lagti hai

marg hi sehat hai us ki marg hi us kaa ilaaj
ishq kaa bimaar kyaa jaane davaa kyaa chiiz hai

vo kaanTaa hai jo chubh kar TuuT jaae
mohabbat ki bas itni daastaan hai

shoala-e-ishq bujhaanaa bhi nahin chaahtaa hai
vo magar khud ko jalaanaa bhi nahin chaahtaa hai