garm mausam mein garm chaae bhi — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

aatish-e-ishq vo jahannam hai
jis mein firdaus ke nazaare hain

aataa rahaa huun yaad main us ko tamaam umr
is zaaviye se ishq mein naakaam kab huaa

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa