ho gul bulbul tabhi bulbul pe bulbul phuul kar gul ho — Ishq Aurangabadi

gar shaikh ne aah ki to mat bhuul
dil mein patthar ke bhi sharar hai

'ishq' raushan thaa vahaan dida-e-aahu se charaagh
main jo yak raat gayaa qais ke kaashaane mein

aaina kabhi qaabil-e-didaar na hove
gar khaak ke saath us ko sarokaar na hove

tu ne kyaa dekhaa nahin gul kaa pareshaan ahvaal
ghuncha kyuun ainThaa huaa rahtaa hai zardaar ki tarah

ye but hirs-o-havaa ke dil ke jab kaaba mein toDungaa
tumhaari subha mein kab shaikh-ji zunnaar chhoDungaa

us ki aankhon ke agar vasf raqam kijiyegaa
shaakh-e-nargis ko qalam kar ke qalam kijiyegaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

shaakh-e-gul kaafi raunat hai abhi suraj ke lahje mein
dhuup jab peDon se utregi to phir sab faisla hogaa

kar ilaaj-e-josh-e-vahshat chaaragar
laa de ik jangal mujhe baazaar se

phuul kyaa Daaloge turbat par miri
khaak bhi tum se na Daali jaaegi