kachchi umron mein bhi akeli rahi — Ishrat Afreen

vo zakhm chun ke mire khaar mujh mein chhoD gayaa
ki us ko shauq thaa be-intihaa gulaabon kaa

yaa mujhe teri hatheli bujhe
yaa koi shokh saheli bujhe

bhuuk se yaa vabaa se marnaa hai
faisla aadmi ko karnaa hai

laDkiyaan maaon jaise muqaddar kyuun rakhti hain
tan sahraa aur aankh samundar kyuun rakhti hain

shaam ko teraa hans kar milnaa
din bhar ki ujrat hoti hai

avval ahl-e-qabila ne parcham banaayaa use aur phir
pesh-e-dushman bhi taavaan mein sirf meri ridaa le gae

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

titliyaan phuul mein kyaa DhunDhti rahti hain sadaa
kyaa kahin baad-e-sabaa rakh gai paighaam tiraa

gham-e-hayaat ne fursat na di sunaane ki
chale the ham bhi mohabbat ki daastaan le kar