bhuuk se yaa vabaa se marnaa hai — Ishrat Afreen

vo zakhm chun ke mire khaar mujh mein chhoD gayaa
ki us ko shauq thaa be-intihaa gulaabon kaa

kachchi umron mein bhi akeli rahi
main sadaa apni hi saheli rahi

yaa mujhe teri hatheli bujhe
yaa koi shokh saheli bujhe

laDkiyaan maaon jaise muqaddar kyuun rakhti hain
tan sahraa aur aankh samundar kyuun rakhti hain

shaam ko teraa hans kar milnaa
din bhar ki ujrat hoti hai

avval ahl-e-qabila ne parcham banaayaa use aur phir
pesh-e-dushman bhi taavaan mein sirf meri ridaa le gae

kisi ke ek ishaare mein kis ko kyaa na milaa
bashar ko ziist mili maut ko bahaana milaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

har ik aansu kaa badlaa ho saktaa hai
ye moti angaare bhi ban sakte hain

maut se aage tak ke manzar dekhe hain
tanhaai se yunhi Dar nahin jaataa main

maut aa jaae vabaa mein ye alag baat magar
ham tire hijr mein naagha to nahin kar sakte

jazbaat mein aa kar marnaa to mushkil si koi mushkil hi nahin
ai jaan-e-jahaan ham tere liye jiinaa bhi gavaaraa karte hain