roz-e-jazaa mein aakhir puchhaa na jaaegaa kyaa — Ismail Merathi

thi chheD usi taraf se varna
main aur majaal aarzu ki

dariyaa ki tarah ravaan huun lekin
ab tak bhi vahin huun main jahaan huun

haan dil-e-be-taab chande intizaar
amn-o-raahat kaa Thikaana aur hai

samajhte hain sheron ko bhi narm chaara
ghazaalaan-e-shahri se hoshyaar rahnaa

hai ashk-o-aah raas hamaare mizaaj ko
yaani pale hue isi aab-o-havaa ke hain

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

saadgi o purkaari be-khudi o hushyaari
husn ko taghaaful mein jurat-aazmaa paayaa

ye gum hue hain khayaal-e-visaal-e-jaanaan mein
ki ghar mein phirte hain ham apni justuju karte

kahin dekhaa hai is haiat kaa maashuq
nazar kiijo muslimaanaan! khudaa-raa

bosa jo rukh kaa dete nahin lab kaa dijiye
ye hai masal ki phuul nahin pankhuDi sahi