dariyaa ki tarah ravaan huun lekin — Ismail Merathi

thi chheD usi taraf se varna
main aur majaal aarzu ki

haan dil-e-be-taab chande intizaar
amn-o-raahat kaa Thikaana aur hai

roz-e-jazaa mein aakhir puchhaa na jaaegaa kyaa
teraa ye chup lagaanaa meraa savaal karnaa

samajhte hain sheron ko bhi narm chaara
ghazaalaan-e-shahri se hoshyaar rahnaa

hai ashk-o-aah raas hamaare mizaaj ko
yaani pale hue isi aab-o-havaa ke hain

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

in parbaton ke biich thi mastur ik guphaa
patthar ki narmiyon mein thi mahfuz kaaenaat

ham bhi dariyaa hain hamein apnaa hunar maalum hai
jis taraf bhi chal paDeinge raasta ho jaaegaa

fitrat mein aadmi ki hai mubham saa ek khauf
us khauf kaa kisi ne khudaa naam rakh diyaa

vo ab aate nahin dariyaa kinaare
utarte the jo gahre paaniyon mein

hausla hai to safinon ke alam lahraao
bahte dariyaa to chaleinge isi raftaar ke saath