vahm-o-gumaan ne aas bandhaai tamaam raat — Jalee Amrohvi

aap aate hain to aa jaaein magar ye shart hai
mujh se bargashta na ho jaaein miri tanhaaiyaan

maut aa jaae yaa vo aa jaaein
aaj qissa tamaam ho jaae

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

ye zindagi ki raat hai taarik kis qadar
donon siron pe shama jalaao nashe mein aao

baad taklif ke raahat hai yaqini 'vaahid'
raat kaa aanaa hi paighaam-e-sahar hotaa hai

tujh se kahaa thaa khushbuein us ke badan ki laaiyo
meraa ye kaam aaj tak tu ne sabaa nahin kiyaa