kamaal-e-ishq to dekho vo aa gae lekin — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

jo tire ishq mein tabaah huaa
koi us ko tabaah kar na sakaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

adaa-e-ishq huun puuri anaa ke saath huun main
khud apne saath huun yaani khudaa ke saath huun main

Dare huon ne tumhein bhi Daraa diyaa varna
khudaa to pyaar sikhaataa hai kuchh nahin kahtaa

jaan se baDh ke huaa karti hai 'izzat pyaare
sar diyaa jaataa hai dastaar bachaane ke liye