uTh ai naqaab-e-yaar ki baiThe hain der se — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

jo tire ishq mein tabaah huaa
koi us ko tabaah kar na sakaa

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

doston main koi khudaa to na thaa
tum ne phir kyuun bhulaa diyaa mujh ko

pattaa pattaa shaakh se TuuTe darvaazon pe vahshat si
yaaro prem kathaa mein kis ne dard ki taan milaai hai

TuuTi hai ye kashti to mire saath safar ko
vo jaan-e-masaafat miraa tayyaar huaa hai