ab khaak uD rahi hai yahaan intizaar ki — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ik aag hamaari muntazir hai
ik aag se ham nikal rahe hain

kisi ke vaaste tasvir-e-intizaar the ham
vo aa gayaa pa kahaan khatm intizaar huaa

shab-e-intizaar aakhir kabhi hogi mukhtasar bhi
ye charaagh bujh rahe hain mire saath jalte jalte

uD gae saare parinde mausamon ki chaah mein
intizaar un kaa magar buDhe shajar karte rahe