apne sabhi gile bajaa par hai yahi ki dilrubaa — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

talaash-e-surat-e-taskin na kar auhaam-hasati mein
dil-e-mahzun bahal saktaa nahin is naqsh-e-baatil se

us ki hi mohabbat mein gire dost ki jis se
ham baat talak karne ko tayyaar nahin the

kah rahe hain vo banaa kar zulf ko
mujrimaan-e-ishq ki zanjir dekh

tujh se ab aur mohabbat nahin ki jaa sakti
khud ko itni bhi aziyyat nahin di jaa sakti