hain dalilein tire khilaaf magar — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

sochtaa huun ki us se bach niklun
bach nikalne ke baa'd kyaa hogaa

hai zaati soch zaruri ye zehn mein rakhnaa
dimaagh khaali ho tab log kaan bharte hain

hans magar hansne se pahle soch le
ye na ho phir umr bhar ronaa paDe

quvvat-e-fikr bhi di aise ki ik had mein raho
yaani be-kaar samajhdaar banaae gae ham