ghiraa huaa huun janam-din se is taaaqub mein — Mohammad Izhar Ul Haq

tiraa paanv shaam pe aa gayaa thaa ki chaand thaa
tiraa hijr subh ko jal uThaa thaa ki phuul thaa

koi zaari suni nahin jaati koi jurm muaaf nahin hotaa
is dharti par is chhat ke tale koi tere khilaaf nahin hotaa

andheri shaam thi baadal baras na paae the
vo mere paas na thaa aur main khul ke royaa thaa

gham hai na ab khushi hai na ummid hai na yaas
sab se najaat paae zamaane guzar gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe