aaj kyaa jaane kyaa hai hone ko — Jigar Barelvi

tasalli aap ne di farq hai haan dil ki haalat mein
jo tham tham kar khalish hoti thi paiham hoti jaati hai

ye sher mere use sunaa do
puchhe jo koi 'jigar' main kyaa huun

ishq mein qadr-e-khastagi ki ummid
ai 'jigar' hosh ki davaa kijiye

dard ho dukh ho to davaa kiije
phaT paDe aasmaan to kyaa kiije

ham aur uThaaeinge ehsaan jaan-navaazi ke
hamein to saans bhi lenaa giraan guzartaa hai

maraz-e-ishq ko shifaa samjhe
dard ko dard ki davaa samjhe

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kabhi na husn-o-mohabbat mein ban saki 'vaahid'
vo apne naaz mein ham apne baankpan mein rahe

saf-ba-saf teri mohabbat ne sanbhaalaa ham ko
aur ham TuuT ke bikhre bhi to yakjaai rahi

gham-e-hasti bhalaa kab mo'tabar ho
mohabbat mein na jab tak aankh tar ho

ye dard ki hai teri mohabbat ki amaanat
mar jaaeinge is dard kaa darmaan na kareinge