maraz-e-ishq ko shifaa samjhe — Jigar Barelvi

ye sher mere use sunaa do
puchhe jo koi 'jigar' main kyaa huun

ishq mein qadr-e-khastagi ki ummid
ai 'jigar' hosh ki davaa kijiye

aaj kyaa jaane kyaa hai hone ko
ji bahut chaahtaa hai rone ko

dard ho dukh ho to davaa kiije
phaT paDe aasmaan to kyaa kiije

ham aur uThaaeinge ehsaan jaan-navaazi ke
hamein to saans bhi lenaa giraan guzartaa hai

tasalli aap ne di farq hai haan dil ki haalat mein
jo tham tham kar khalish hoti thi paiham hoti jaati hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

tum jo chaaho to mire dard kaa darmaan ho jaae
varna mushkil hai ki mushkil miri aasaan ho jaae

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

kisi ki yaad manaane mein iid guzregi
so shahr-e-dil mein bahut duur tak udaasi hai