meraa bachpan bhi saath le aayaa — Kaifi Azmi

peD ke kaaTne vaalon ko ye maalum to thaa
jism jal jaaeinge jab sar pe na saaya hogaa

gar Dubnaa hi apnaa muqaddar hai to suno
Dubeinge ham zarur magar naakhudaa ke saath

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

ik khvaab khushi kaa dekhaa nahin dekhaa jo kabhi to bhuul gae
maangaa huaa tum kuchh de na sake jo tum ne diyaa vo sahne do

divaarein to har taraf khaDi hain
kyaa ho gae mehrbaan saae

dil ki naazuk ragein TuTti hain
yaad itnaa bhi koi na aae

main baDaa ho gayaa huun magar bachpanaa
mere dil se kabhi bhi gayaa hi nahin

zaraa labon ke tabassum se bazm garmaaein
hamein to aap ki aankhon ki chup ne maar diyaa

baat chal niklegi phir iqraar ki inkaar ki
phir vahi bachpan ke bhule giit gaae jaaeinge

zamaanon ko milaa hai soz-e-izhaar
vo saaat jab khamoshi bol uThi hai

kisi parind ki chikhon ne sang-baari ki
sukut-e-shaam kaa shisha bikhar gayaa mujh mein

dukh safar kaa hai ki apnon se bichhaD jaane kaa gham
kyaa sabab hai vaqt-e-rukhsat ham-safar khaamosh hain