jiinaa to alag baat hai marnaa bhi yahaan par — Khaavar Jilani

sabhi kirdaar thak kar so gae hain
magar ab tak kahaani chal rahi hai

vaqt guzar jaataa hai lekin dil ki ranjish
dil mein baiThi ki baiThi hi rah jaati hai

ik chingaari aag lagaa jaati hai ban mein aur kabhi
ek kiran se zulmat ko chhaT jaanaa paDtaa hai

yunhi bekaar main paDaa khud ko
kaar-aamad banaa rahaa huun main

vo kuchh se kuchh banaa Daalegaa taslimat ke maani
saliqa aa gayaa us ko agar inkaar karne kaa

banne vaali baat vahi hoti hai vo jo
bante bante yaksar banti rah jaati hai

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai