tum khush raho hamaari duaa hai tamaam-umr — Khalid Sharif

bichhDaa kuchh is adaa se ki rut hi badal gai
ik shakhs saare shahr ko viraan kar gayaa

'khaalid' main baat baat pe kahtaa thaa jis ko jaan
vo shakhs aakhirash mujhe be-jaan kar gayaa

aasmaan jhaank rahaa hai 'khaalid'
chaand kamre mein mire utraa hai

naakaam hasraton ke sivaa kuchh nahin rahaa
duniyaa mein ab dukhon ke sivaa kuchh nahin rahaa

aaj kuchh rang digar hai mire ghar kaa 'khaalid'
sochtaa huun ye tiri yaad hai yaa khud tu hai

aankh kis lafz pe bhar aai hai
kaun si baat pe dil TuuTaa hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

phir usi bevafaa pe marte hain
phir vahi zindagi hamaari hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

ai gham-e-zindagi na ho naaraaz
mujh ko aadat hai muskuraane ki