ishq ke kaarobaar ko aksar — Khumar Barabankavi

gham hai na ab khushi hai na ummid hai na yaas
sab se najaat paae zamaane guzar gae

ham pe guzraa hai vo bhi vaqt 'khumaar'
jab shanaasaa bhi ajnabi se mile

na to hosh se taaaruf na junun se aashnaai
ye kahaan pahunch gae hain tiri bazm se nikal ke

ye kahnaa thaa un se mohabbat hai mujh ko
ye kahne mein mujh ko zamaane lage hain

phuul kar le nibaah kaanTon se
aadmi hi na aadmi se mile

dushmanon se pashemaan honaa paDaa hai
doston kaa khulus aazmaane ke baad

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

uTThi hai jab se dil mein mire ishq ki tarang
shaadi o gham hain aage mire donon ek rang

do aalam se guzar ke bhi dil-e-aashiq hai aavaara
abhi tak ye musaafir apni manzil par nahin aayaa

yuun bhi milaa hai husn kaa andaaz ishq mein
bikhri hai un ki zulf pareshaan huaa huun main

kyaa zaruri hai ye iqraar ki muhtaaj rahe
ham mohabbat ko yuun laachaar karein bhi ki nahin