ek jhuTe ke vasf-e-dandaan mein — Kishan Kumaar Waqaar

main kahun aap tumhein aap kahein tum mujh ko
tum jataate nahin kis roz tahakkum mujh ko

na toDo dil ki hai kaaba kaa Dhaanaa
ye do ghar hain magar buniyaad hai ek

bosa dahan kaa us ke na paaeinge apne lab
daaghi hai main ne nok zabaan-e-savaal ki

gar husn-e-gandumi tiraa un ko na thaa pasand
aadam ne chhoDaa kis liye baagh-e-bahisht ko

din lage hain ye raat ko meri
chashm-e-aahu charaagh-e-sahraa hai

haath pistaan pe ghair kaa pahunchaa
aap bhi ab hue anaar-farosh

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ye aansu be-sabab jaari nahin hai
mujhe rone ki bimaari nahin hai

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

talkhiyaan is mein bahut kuchh hain mazaa kuchh bhi nahin
zindagi dard-e-mohabbat ke sivaa kuchh bhi nahin