darakht karte nahin is liye umid-e-vafaa — Kuldeep Kumar

mausam-e-yaad yuun ujlat mein na vaare jaaein
ham vo lamhe hain jo fursat se guzaare jaaein

main haar jaataa huun un do udaas aankhon se
mujhe safar kaa iraada badalnaa paDtaa hai

hamin bujhaate hain lau pahle sab charaaghon ki
phir in charaaghon ke hisse kaa jalnaa paDtaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi