agar samjho namaaz-e-zaahid-e-maghrur yaaro — Maatam Fazl Mohammad

dariyaa mein vo dhoyaa thaa kabhi dast-e-hinaai
hasrat se vahin panja-e-marjaan mein lagi aag

dekh kar haath mein tasbih gale mein zunnaar
mujh se bezaar hue kaafir o din-daar judaa

ishq-e-khubaan nahin hai aisi shai
baandh kar rakhiye jis ko puDiyaa mein

umr do-chaar roz mehmaan hai
khidmat-e-mehmaan karun na karun

jahaan se huun yahaan aayaa vahaan jaaungaa aakhir ko
miraa ye haal hai yaaro na mustaqbil na maazi huun

pujtaa huun kabhi but ko kabhi paDhtaa huun namaaz
meraa mazhab koi hindu na musalmaan samjhaa

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

'qaaem' main ikhtiyaar kiyaa shaairi kaa aib
pahunchaa na koi shakhs jab apne hunar talak

deri se milne kaa jo gham tujh ko pareshaan kar rahaa
ai dost ham bhi hain usi taakhir ke maare hue