khat dekh kar miraa mire qaasid se yuun kahaa — Maatam Fazl Mohammad

dariyaa mein vo dhoyaa thaa kabhi dast-e-hinaai
hasrat se vahin panja-e-marjaan mein lagi aag

dekh kar haath mein tasbih gale mein zunnaar
mujh se bezaar hue kaafir o din-daar judaa

agar samjho namaaz-e-zaahid-e-maghrur yaaro
hazaaron baar behtar-tar hamaari be-namaazi hai

ishq-e-khubaan nahin hai aisi shai
baandh kar rakhiye jis ko puDiyaa mein

umr do-chaar roz mehmaan hai
khidmat-e-mehmaan karun na karun

pujtaa huun kabhi but ko kabhi paDhtaa huun namaaz
meraa mazhab koi hindu na musalmaan samjhaa

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

aankhon mein meri subh-e-qayaamat gai jhamak
siine se us pari ke jo parda ulaT gayaa

jaa kahiyo meraa nasim-e-sahar
miraa chain gayaa miri niind gai

baDhne lagi yaqin o gumaan mein jo kashmakash
vaada bhi subh o shaam pe Taltaa chalaa gayaa

nahin hai mere muqaddar mein raushni na sahi
ye khiDki kholo zaraa subh ki havaa hi lage