khud mire aansu chamak rakhte hain gauhar ki tarah — Mahfuzur Rahman Adil

tumhaare bakhshe hue aansuon ke qatron se
shab-e-firaaq mein taare sajaa rahaa huun main

usi ne bakhshaa hai mujh ko shuur jiine kaa
jo mushkilon ki ghaDi baar baar aai hai

vo miri aavaaragardi vo miraa divaana-pan
vo miri taazim mein divaar-o-dar kaa jaagnaa

zindagi ko hausla dene ke khaatir
khvaahishon ko reza reza chun rahaa huun

aaftaab-e-garm se dast-o-garebaan ho gae
dhuup ki shiddat se saae jab pareshaan ho gae

ek din vo zarron ko aaftaab kar leinge
dhuup ke jo khvaahaan hain raat ke andhere mein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

na pi sako to idhar aao ponchh duun aansu
ye tum ne sun liye is dil ke saanehaat kahaan

mujh se khaali hai meraa aaina
aansuon se bharaa huaa huun main

udaasi khinch laai hai yahaan tak
main aansu thaa samundar mein paDaa huun