divaar ke us paar jaane ki tamanna hai to phir — Raghvendra Dwivedi

main zaraa saa kyaa khulaa vo khud simaTne lag gayaa
jo kahaa kartaa thaa mujh se khul ke kyon milte nahin

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

jis ne kiyaa hai qatl vahi chikh chikh kar
sab se ye kah rahaa hai ki qaatil pata karo

shahr ke pakke makaanon mein daraarein aa gaiin
gaanv ke kachche gharon ki niinv pakki thi bahut

vo ishaara kar ke pichhe haT gayaa thaa ek din
us ishaare ko samajhne mein lagaa huun aaj tak

aag se rishta hai meraa aur dariyaa bhi hai apnaa
aae din donon ke jhagDe mein ulajh kar rah gayaa huun

himmat vaale pal mein badal dete hain duniyaa ko
sochne vaalaa dil to baiThaa sochaa kartaa hai

sar pe tufaan bhi hai saamne girdaab bhi hai
meri himmat ki vahi kachchaa ghaDaa hai dekho

ye to apnaa apnaa hai hausla ye to apni apni uDaan hai
koi uD ke rah gayaa baam tak koi kahkashaan se guzar gayaa

aap ko kho ke tum ko DhunDh liyaa
hausla thaa ye mere hi dil kaa

ruk jaa hujum-e-gul ki abhi hausla nahin
dil se khayaal-e-tangi-e-daamaan gayaa nahin

himmat hai to buland kar aavaaz kaa alam
chup baiThne se hal nahin hone kaa masala