aansuon ke jahaan mein rahte hain — Mahtab Alam

ye san kar meri nindein uD gai hain
koi meraa bhi sapnaa dekhtaa hai

zehn aise bhi na ban jaaein nisaabon vaale
guftugu mein bhi huun alfaaz kitaabon vaale

ik safar phir mari taqdir huaa jaataa hai
raasta paanv ki zanjir huaa jaataa hai

naaqido tum to mire fan ki parakh rahne do
apne sone ko main pital nahin hone dungaa

dil bhi toDaa to saliqe se na toDaa tum ne
bevafaai ke bhi aadaab huaa karte hain

bane hain kitne chehre chaand suraj
ghazal ke istiaaraati ufuq par

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

na hove kyuun ke gardun pe sadaa dil ki buland apni
hamaari aah hai Dankaa damaame ke bajaane kaa

dard bakhshaa chain chhinaa dil ke TukDe kar diye
haae kis zaalim pe main ne bhi bharosa kar liyaa

na puchho jaan par kyaa kuchh guzarti hai gham-e-dil se
qaraar aanaa kahaan kaa saans bhi aati hai mushkil se