zabaan zabaan pe shor thaa ki raat khatm ho gai — Mahtab Zafar

jin ki hasrat mein dil-e-rusvaa ne gham khaae bahut
sang ham par in darichon ne hi barsaae bahut

ek rasm-e-sarfaroshi thi so rukhsat ho gai
yuun to divaane hamaare baa'd bhi aae bahut

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

miri rafiq-e-nafas maut teri umr daraaz
ki zindagi ki tamannaa hai dil mein afzun phir

'shaair' ajiib rang se guzri hai apni umr
duniyaa mein naam bhi na sunaa khair-khvaah kaa