chalo lahu bhi charaaghon ki nazr kar deinge — Manzoor Hashmi

yaqin ho to koi raasta nikaltaa hai
havaa ki oT bhi le kar charaagh jaltaa hai

tiis chaalis din to kaaT diye
aur kitne hain is mahine mein

qubul kaise karun un kaa faisla ki ye log
mire khilaaf hi meraa bayaan maangte hain

sunaa hai sachchi ho niyat to raah khulti hai
chalo safar na karein kam se kam iraada karein

kabhi kabhi to kisi ajnabi ke milne par
bahut puraanaa koi silsila nikaltaa hai

hadaf bhi mujh ko banaanaa hai aur mere harif
mujhi se tiir mujhi se kamaan maangte hain

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

main jaataa huun dil ko tire paas chhoDe
miri yaad tujh ko dilaataa rahegaa

kis taraf aae kidhar bhuul paDe khair to hai
aaj kyaa thaa jo tumhein yaad hamaari aai

ai yaad-e-yaar dekh ki baa-vasf-e-ranj-e-hijr
masrur hain tiri khalish-e-naa-tavaan se ham

aap ki yaad mein rouun bhi na main raaton ko
huun to majbur magar itnaa bhi majbur nahin