zindagi kitni hasin kitni baDi neamat hai — Manzoor Hashmi

yaqin ho to koi raasta nikaltaa hai
havaa ki oT bhi le kar charaagh jaltaa hai

tiis chaalis din to kaaT diye
aur kitne hain is mahine mein

qubul kaise karun un kaa faisla ki ye log
mire khilaaf hi meraa bayaan maangte hain

sunaa hai sachchi ho niyat to raah khulti hai
chalo safar na karein kam se kam iraada karein

kabhi kabhi to kisi ajnabi ke milne par
bahut puraanaa koi silsila nikaltaa hai

hadaf bhi mujh ko banaanaa hai aur mere harif
mujhi se tiir mujhi se kamaan maangte hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

haae vo log ham se ruuTh gae
jin ko chaahaa thaa zindagi ki tarah