jab ham teraa naam na leinge — Mazhar Imam

aap ko mere taaaruf ki zarurat kyaa hai
main vahi huun ki jise aap ne chaahaa thaa kabhi

ek main ne hi ugaae nahin khvaabon ke gulaab
tu bhi is jurm mein shaamil hai miraa saath na chhoD

safar mein achaanak sabhi ruk gae
ajab moD apni kahaani mein thaa

vo meraa jab na ho sakaa to phir yahi sazaa rahe
kisi ko pyaar jab karun vo chhup ke dekhtaa rahe

ab kisi raah pe jalte nahin chaahat ke charaag
tu miri aakhiri manzil hai miraa saath na chhoD

doston se mulaaqaat ki shaam hai
ye sazaa kaaT kar apne ghar jaaungaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

us ko khonaa asl mein us ko paanaa hai
haasil kaa hi partav hai laa-haasil mein

zindagi sundar ghazal hai dosto
zindagi ko gungunaanaa chaahiye