aakhir gil apni sarf-e-dar-e-mai-kada hui — Meerza Jawan Bakht Jahandar

kahein so kis se 'jahaandaar' us ki nazron mein
raqib kaam ke Thahre aur ham hain naa-kaare

basaan-e-naqsh-e-qadam tere dar se ahl-e-vafaa
uThaate sar nahin hargiz tabaah ke maare

tire ishq se jab se paale paDe hain
hamein apne jiine ke laale paDe hain

mujh dil mein hai jo but ki parastish ki aarzu
dekhi nahin vo aaj talak barhaman ke biich

ki dil ne dil-baraan-e-jahaan ki bahut talaash
kui dil-rubaa milaa hai na dil-khvaah kyaa kare

miraa khun-e-dil yuun bahaa dasht mein
ki jangal mein lohu ke thaale paDe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

main duur thaa to apne hi chehre pe mal liyaa
is zindagi ke haath mein jitnaa gulaal thaa

jashn-e-bahaar-e-nau hai nasheman ki khair ho
uTThaa hai kyuun chaman mein dhuaan raushni ke saath

phulon ki taazgi hi nahin dekhne ki chiiz
kaanTon ki samt bhi to nigaahein uThaa ke dekh