bas ai 'mir' mizhgaan se ponchh aansuon ko — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

log sadmon se mar nahin jaate
saamne ki misaal hai meri

yuun to vujud hai miraa duniyaa ki bhiiD se
tanhaa nahin hai mujh saa magar kaaenaat mein

kisi haalat mein bhi tanhaa nahin hone deti
hai yahi ek kharaabi miri tanhaai ki

hijr o visaal charaagh hain donon tanhaai ke taaqon mein
akasr donon gul rahte hain aur jalaa kartaa huun main