jaa lagegi kashti-e-dil saahil-e-ummid par — Mirza Asman Jah Anjum

mohabbat is liye zaahir nahin ki
ki tum ko e'tibaar aae na aae

naqsh hoti jaati hain laakhon buton ki suratein
kyaa ye dil bhi khitta-e-hindostaan ho jaaegaa

teri marzi gar isi mein hai ki ho didaar-e-aam
ham ne aankhon par qadam saare zamaane ke liye

shab-e-furqat hai Thaharte nahin shoale dil mein
taara TuuTaa ki miri aankh se aansu TuuTaa

misaal-e-charkh rahaa aasmaan sar-gardaan
par aaj tak na khulaa ye ki justuju kyaa hai

bataa tu dil ke bachaane ki koi raah bhi hai
tiri nigaah ki naavak-fagan panaah bhi hai

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

main badalte hue haalaat mein Dhal jaataa huun
dekhne vaale adaakaar samajhte hain mujhe