hue mar ke ham jo rusvaa hue kyuun na gharq-e-dariyaa — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

tu ne ye kyaa ghazab kiyaa mujh ko bhi faash kar diyaa
main hi to ek raaz thaa sina-e-kaaenaat mein

kohkan kyaa pahaaD toDegaa
ishq ne zor-aazmaai ki

dariyaaon ki nazr hue
dhire dhire sab tairaak

dariyaa-e-mohabbat se 'muhib' le hi ke chhoDi
mujh ashk ne aakhir dur-e-naayaab ki miraas

kaun kahtaa hai ki maut aai to mar jaaungaa
main to dariyaa huun samundar mein utar jaaungaa