laDki achchhi hai 'alvi' — Mohammad Alvi

main us ke badan ki muqaddas kitaab
nihaayat aqidat se paDhtaa rahaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

us se bichhaDte vaqt main royaa thaa khub-saa
ye baat yaad aai to pahron hansaa kiyaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

kabhi nazar ki taraf dekhtaa hai khud manzar
kabhi nazar pe fidaa hone khud hai aataa nuur

samajhtaa huun main sab kuchh sirf samjhaanaa nahin aataa
taDaptaa huun magar auron ko taDpaanaa nahin aataa

ye duniyaa akbar zulmon ki ham majburi ki anaarkali
ham divaaron ke biich mein hain ham nargha-e-jabr-o-jalaal mein hain