dil-e-naakaam thak ke baiTh gayaa — Moin Ahsan Jazbi

tu aur gham-e-ulfat 'jazbi' mujh ko to yaqin aae na kabhi
jis qalb pe TuuTe hon patthar us qalb mein nashtar TuuT gae

na aae maut khudaayaa tabaah-haali mein
ye naam hogaa gham-e-rozgaar sah na sakaa

muskuraa kar Daal di rukh par naqaab
mil gayaa jo kuchh ki milnaa thaa javaab

jab tujh ko tamannaa meri thi tab mujh ko tamannaa teri thi
ab tujh ko tamannaa ghair ki hai to teri tamannaa kaun kare

jab kabhi kisi gul par ik zaraa nikhaar aayaa
kam-nigaah ye samjhe mausam-e-bahaar aayaa

us ne is tarah mohabbat ki nigaahein Daalin
ham se duniyaa kaa koi raaz chhupaayaa na gayaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tu ne kab ishq mein achchhaa buraa sochaa 'sarvar'
kaise mumkin hai ki teraa buraa anjaam na ho

ik adaavat se faraaghat nahin milti varna
kaun kahtaa hai mohabbat nahin kar sakte ham

ai shauq pataa kuchh tu hi bataa ab tak ye karishma kuchh na khulaa
ham mein hai dil-e-betaab nihaan yaa aap dil-e-betaab hain ham

bahut muzir dil-e-aashiq ko aah hoti hai
isi havaa se ye kashti tabaah hoti hai