jab bhi dekhaa mire kirdaar pe dhabbaa koi — Munawwar Rana

miTTi kaa badan kar diyaa miTTi ke havaale
miTTi ko kahin taaj-mahal mein nahin rakkhaa

ab aap ki marzi hai sambhaalein na sambhaalein
khushbu ki tarah aap ke rumaal mein ham hain

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

kuchh nahin hogaa to aanchal mein chhupaa legi mujhe
maan kabhi sar pe khuli chhat nahin rahne degi

kuchh bikhri hui yaadon ke qisse bhi bahut the
kuchh us ne bhi baalon ko khulaa chhoD diyaa thaa

ye soch ke maan baap ki khidmat mein lagaa huun
is peD kaa saayaa mire bachchon ko milegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

falak detaa hai jin ko 'aish un ko gham bhi hote hain
jahaan bajte hain naqqaare vahaan maatam bhi hote hai

kufr-o-islaam ne maqsad ko pahunchne na diyaa
kaaba-o-dair ko sang-e-rah-e-manzil samjhaa

raat ik ujDe makaan par jaa ke jab aavaaz di
guunj uTThe baam-o-dar meri sadaa ke saamne