hisaar-e-gosh-e-samaaat ki dastaras mein kahaan — Musavvir Sabzwari

rishton kaa bojh Dhonaa dil dil mein kuDhte rahnaa
ham ek dusre par ehsaan ho gae hain

hamaare biich mein ik aur shakhs honaa thaa
jo laD paDe to koi bhi nahin manaane kaa

isi umiid pe jalti hain dasht dasht aanhkein
kabhi to aaegaa umr-e-kharaab kaaT ke vo

jaate mausam ki tarah us se kabhi mil na sakaa
ek lamhe ke ta'alluq ki sazaa huun main to

koi mahkaar hai khushbu ki na rangon ki lakir
ek sahraa huun kahin se bhi guzar jaa mujh mein

khatm hone de mire saath hi apnaa bhi vajud
tu bhi ik naqsh kharaabe kaa hai mar jaa mujh mein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sunne vaale ro diye sun kar mariz-e-gham kaa haal
dekhne vaale taras khaa kar duaa dene lage

dhuaan detaa hai daamaan-e-mohabbat
in aankhon se koi aansu giraa hai

manaayaa jaa rahaa hai gham tumhaaraa
puraani film dekhi jaa rahi hai