kisi ko qissa-e-paaki-e-chashm yaad nahin — Musavvir Sabzwari

rishton kaa bojh Dhonaa dil dil mein kuDhte rahnaa
ham ek dusre par ehsaan ho gae hain

hamaare biich mein ik aur shakhs honaa thaa
jo laD paDe to koi bhi nahin manaane kaa

isi umiid pe jalti hain dasht dasht aanhkein
kabhi to aaegaa umr-e-kharaab kaaT ke vo

jaate mausam ki tarah us se kabhi mil na sakaa
ek lamhe ke ta'alluq ki sazaa huun main to

koi mahkaar hai khushbu ki na rangon ki lakir
ek sahraa huun kahin se bhi guzar jaa mujh mein

khatm hone de mire saath hi apnaa bhi vajud
tu bhi ik naqsh kharaabe kaa hai mar jaa mujh mein

mere khvaabon ke jharokon ko sajaate rahiye
na sahi vasl magar yaad to aate rahiye

vo to kahiye aaj bhi zanjir mein jhankaar hai
varna kis ko yaad rah jaati hai divaanon ki baat

is judaai mein tum andar se bikhar jaaoge
kisi maazur ko dekhoge to yaad aaungaa

mujhe khabar thi ki ab lauT kar na aaungaa
so tujh ko yaad kiyaa dil pe vaar karte hue

aao puraani yaad ke shoalon mein taap lein
kitne hain haath sard mulaaqaat ki tarah

dil kaa kamra raushni se bhar gayaa
jab jalaa dipak tumhaari yaad kaa