mujhe khabar thi ki ab lauT kar na aaungaa — Wasi Shah

na tumhein hosh rahe aur na mujhe hosh rahe
is qadar TuuT ke chaaho mujhe paagal kar do

tumhaaraa naam likhne ki ijaazat chhin gai jab se
koi bhi lafz likhtaa huun to aankhein bhiig jaati hain

jo tu nahin hai to ye mukammal na ho sakeingi
tiri yahi ahmiyat hai meri kahaaniyon mein

is judaai mein tum andar se bikhar jaaoge
kisi maazur ko dekhoge to yaad aaungaa

kaun kahtaa hai mulaaqaat miri aaj ki hai
tu miri ruuh ke andar hai kai sadiyon se

zindagi ab ke miraa naam na shaamil karnaa
gar ye tai hai ki yahi khel dobaara hogaa

mere khvaabon ke jharokon ko sajaate rahiye
na sahi vasl magar yaad to aate rahiye

ayaadat hoti jaati hai ibaadat hoti jaati hai
mire marne ki dekho sab ko aadat hoti jaati hai

yaad karte hain tujhe dair-o-haram mein shab-o-roz
ahl-e-tasbih judaa saahib-e-zunnaar judaa

khushi se apnaa ghar aabaad kar ke
bahut roeinge tum ko yaad kar ke

kisi ko yaad karne ke nahin makhsus kuchh lamhe
koi jab yaad aa jaae to phir vo yaad aataa hai

vo to kahiye aaj bhi zanjir mein jhankaar hai
varna kis ko yaad rah jaati hai divaanon ki baat