mire bachche tiraa bachpan to main ne bech Daalaa — Musavvir Sabzwari

rishton kaa bojh Dhonaa dil dil mein kuDhte rahnaa
ham ek dusre par ehsaan ho gae hain

hamaare biich mein ik aur shakhs honaa thaa
jo laD paDe to koi bhi nahin manaane kaa

isi umiid pe jalti hain dasht dasht aanhkein
kabhi to aaegaa umr-e-kharaab kaaT ke vo

jaate mausam ki tarah us se kabhi mil na sakaa
ek lamhe ke ta'alluq ki sazaa huun main to

koi mahkaar hai khushbu ki na rangon ki lakir
ek sahraa huun kahin se bhi guzar jaa mujh mein

khatm hone de mire saath hi apnaa bhi vajud
tu bhi ik naqsh kharaabe kaa hai mar jaa mujh mein

main baDaa ho gayaa huun magar bachpanaa
mere dil se kabhi bhi gayaa hi nahin

log na jaane kaisi kaisi baatein karte hain
mere paas to meraa saayaa leTaa hai chup-chaap

main sun rahaa huun phone pe khaamoshiyaan tiri
main jaantaa huun aaj se kyaa kyaa tamaam hai

chehre ko tere dekh ke khaamosh ho gayaa
aisaa nahin savaal tiraa laa-javaab thaa

kahtaa hai bahut kuchh vo mujhe chupke hi chupke
zaahir mein ye kahtaa hai ki main kuchh nahin kahtaa

nazar un ki rahi college ke bas ilmi favaaed par
giraa ke chupke chupke bijliyaan diini aqaaed par