par kaTe panchhiyon se puchhte ho — Nadim Nadeem

aah ko saaz banaate hain dukhon ki rut mein
dil-shikasta hain par aavaaz sanbhaale hue hain

kaise kaise log vujud ki zad mein aa kar mar gae
is dariyaa ki bheinT chaDhe kaise kaise tairaak

kyaa nayyaa aur kaisaa khevayyaa chaahne vaalo Duub maro
in aankhon ke dariyaaon mein aaj bhanvar bharpur paDe hain

vahshat nahin hai raqs-e-masarrat hai dasht mein
peDon ki shakl mein ye mire chaar-su ho tum

phuul kitne udaas lagte hain
ai khudaa in ko titliyaan de de

badalte mausamon kaa haath thaame chalne vaalo
sukun pahunchaaegi tum ko shajar-kaari hamaari

vo bahut chaalaak hai lekin agar himmat karein
pahlaa pahlaa jhuuT hai us ko yaqin aa jaaegaa

ik fursat-e-gunaah mili vo bhi chaar din
dekhe hain ham ne hausle parvardigaar ke

ai zindagi tu mire hausle ki daad to de
main uTh ke roz nayaa din gale lagaataa huun

tumhaare sang hi mujh ko mili parvaaz ki himmat
tumhaare hausle ko main ne apne baal-o-par samjhaa

himmat-e-tark-e-vafaa Duub gai
kis ne aankhon mein utaaraa dariyaa

be-zaar hain jo jazba-e-hubb-ul-vatani se
vo log kisi se bhi mohabbat nahin karte