badalte mausamon kaa haath thaame chalne vaalo — Nadim Nadeem

kaise kaise log vujud ki zad mein aa kar mar gae
is dariyaa ki bheinT chaDhe kaise kaise tairaak

kyaa nayyaa aur kaisaa khevayyaa chaahne vaalo Duub maro
in aankhon ke dariyaaon mein aaj bhanvar bharpur paDe hain

vahshat nahin hai raqs-e-masarrat hai dasht mein
peDon ki shakl mein ye mire chaar-su ho tum

par kaTe panchhiyon se puchhte ho
tum mein uDne kaa hausla hai kyaa

phuul kitne udaas lagte hain
ai khudaa in ko titliyaan de de

aah ko saaz banaate hain dukhon ki rut mein
dil-shikasta hain par aavaaz sanbhaale hue hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ab imtiyaaz-e-zaahir-o-baatin bhi miT gayaa
dil chaak ho rahaa hai garebaan ke saath saath

jism ki miTTi na le jaae bahaa kar saath mein
dil ki gahraai mein girtaa khvaahishon kaa aabshaar

fikr-e-rasaa pe jis ki khulein aasmaan ke raaz
aisaa koi 'adil' qad-aavar nahin rahaa

rah gayaa dard dil ke pahlu mein
ye jo ulfat thi dard-e-sar na hui