tu hi vo phuul hai jo hai mahbub — Nadir Shahjahanpuri

bhare rahte hain ashk aankhon mein har dam
miri har saans mein ab gham ki bu hai

nang hai raaz-e-mohabbat kaa numaayaan honaa
mar bhi jaaun main agar tum na pareshaan honaa

rahmat-e-haq ko na kar maayus apne feal se
vo bhalaai mein nahin jo hai buraai mein mazaa

ham dil fidaa karein ki tasadduq-e-jigar karein
jo bhi kahein huzur vahi umr bhar karein

matlab kaa zamaana hai 'naadir' koi kyaa degaa
mujh sokhta-e-qismat ko degaa to khudaa degaa

phuul khulte hi titli bhi aai
kyaa koi dosti puraani hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

aap ki to jild baaji ho rahi hai ab kharaab
main karungi facial ban jaaegi taaza gulaab

ban gae insaan apni zaat mein jangal 'munir'
bastiyon se uD gai hai bu-e-aadam-zaad tak