zinda rahte hain kyaa ye kaafi nahin — Nadiya Ambar Lodhi

paa-ba-jaulaan to har ik shakhs yahaan hai 'amabar'
tiri zanjir hi kyuun shor bapaa karti hai

bas chand ham-khayaal hain 'ambar' mujhe aziiz
behis jamm-e-ghafir nahin chaahiye mujhe

husain rifatein taqsim kartaa hai ab bhi
yazid aaj bhi rusvaaiyaan sameTtaa hai

'ambar' us ke biite kal kaa qissa huun main
phir kaahe kaa shauq ki us ko yaad bhi huun main

gham hai na ab khushi hai na ummid hai na yaas
sab se najaat paae zamaane guzar gae

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

nahin nahin main bahut khush rahaa huun tere baghair
yaqin kar ki ye haalat abhi abhi hui hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jaane kyuun un se milte rahte hain
khush vo kyaa honge jab khafaa hi nahin