ashk-e-gham-e-ulfat mein ik raaz-e-nihaani hai — Anand Narayan Mulla

shama ik mom ke paikar ke sivaa kuchh bhi na thi
aag jab tan mein lagaai hai to jaan aai hai

ishq mein vo bhi ek vaqt hai jab
be-gunaahi gunaah hai pyaare

main faqat insaan huun hindu musalmaan kuchh nahin
mere dil ke dard mein tafriq-e-imaan kuchh nahin

kahne ko lafz do hain ummid aur hasrat
in mein nihaan magar ik duniyaa ki daastaan hai

us ik nazar ke bazm mein qisse bane hazaar
utnaa samajh sakaa jise jitnaa shuur thaa

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mujh ko shaaer na kaho 'mir' ki saahab main ne
dard o gham kitne kiye jama to divaan kiyaa

ab khushi hai na koi dard rulaane vaalaa
ham ne apnaa liyaa har rang zamaane vaalaa

mil kar tapaak se na hamein kijiye udaas
khaatir na kijiye kabhi ham bhi yahaan ke the