ishq ki azmatein bajaa lekin — Naseer Arzoo

ab na chaaheinge kisi aur ko taslim magar
faaeda kyaa hai mire sar ki qasam khaane se

jigar mein dard to hai dil mein iztiraab to hai
tumhaare gham mein miri zindagi kharaab to hai

un se maayus-e-iltifaat nahin
go ba-zaahir tavaqquaat nahin

aao tajdid-e-vafaa phir se karein ham varna
baat kuchh aur ulajh jaaegi suljhaane se

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mohabbat ke marizon kaa mudaavaa hai zaraa mushkil
utartaa hai 'sadaa' un kaa bukhaar aahista aahista

vaqt ke saath 'sadaa' badle ta'alluq kitne
tab gale milte the ab haath milaayaa na gayaa

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa