nae safar kaa har ik moD bhi nayaa thaa magar — Navin C. Chaturvedi

bhulaa diyaa hai jo tu ne to kuchh malaal nahin
kai dinon se mujhe bhi tiraa khayaal nahin

miraa saaya mire bas mein nahin hai
magar duniyaa pe daavaa kar rahaa huun

pyaas ko pyaar karnaa thaa keval
ek akhshar badal na paae ham

baghair puchhe mire sar mein bhar diyaa mazhab
main roktaa bhi to kaise ki main to bachcha thaa

kis ko fursat hai jo harfon ki haraarat samjhaae
baat aasaani tak aae to sabhi tak pahunche

parson main baazaar gayaa thaa darpan lene ki khaatir
kyaa bolun dukaan pe hi main sharm ke maare gaD baiThaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

shaayad hi raas aae mujhe aish-e-marg bhi
'raahi' gham-e-hayaat kaa maaraa huaa huun main

jahaan-e-dard mein insaaniyat ke naate se
koi bayaan kare meri daastaan hogi

ungliyaan pher mere baalon mein
ye miraa dard-e-sar nahin jaataa